کلامِ مُقدّس میں خُداوند یسوع کے عظیم نام اور القاب
جب یسوع مسیح نے بپتسمہ لیا تو آسمان سے آواز آئی: "یہ میرا پیارا بیٹا ہے جس سے مَیں خوش ہوں۔" خُدا باپ نے خود اپنے بیٹے کی تصدیق فرمائی۔ (متی ۳:۱۷)
خُداوند یسوع مسیح نے فرمایا کہ ابنِ آدم اِس لیے آیا ہے کہ کھوئے ہوؤں کو ڈھونڈے اور نجات دے۔ وہ گنہگاروں کو بچانے کے لیے اِس دُنیا میں آیا۔ (لُوقا ۱۹:۱۰)
خُداوند یسوع مسیح نے فرمایا: "اچھا چرواہا مَیں ہوں۔ اچھا چرواہا بھیڑوں کے لیے اپنی جان دیتا ہے۔" مسیح نے ہماری خاطر صلیب پر اپنی جان قربان کی۔ (یُوحنّا ۱۰:۱۱)
یسوع مسیح نے فرمایا: "دُنیا کی روشنی مَیں ہوں۔ جو میری پیروی کرے گا وہ اندھیرے میں نہ چلے گا بلکہ زندگی کی روشنی پائے گا۔" مسیح خُداوند ہر تاریکی کو دُور کرتا ہے۔ (یُوحنّا ۸:۱۲)
خُداوند یسوع مسیح نے فرمایا: "زندگی کی روٹی مَیں ہوں۔ جو میرے پاس آئے وہ کبھی بھوکا نہ ہو گا اور جو مجھ پر ایمان لائے وہ کبھی پیاسا نہ ہو گا۔" (یُوحنّا ۶:۳۵)
یسوع مسیح نے فرمایا: "دروازہ مَیں ہوں۔ اگر کوئی مجھ سے داخل ہو تو نجات پائے گا۔" خُداوند یسوع ہی خُدا تک پہنچنے کا واحد راستہ ہے۔ (یُوحنّا ۱۰:۹)
خُداوند یسوع نے فرمایا: "سچی انگور کی بیل مَیں ہوں۔ مجھ میں قائم رہو تو بہت پھل لاؤ گے۔" مسیح سے جُدا ہو کر ہم کچھ نہیں کر سکتے۔ (یُوحنّا ۱۵:۱-۵)
خُدا باپ نے اپنے بیٹے یسوع مسیح کو دُنیا کا نجات دہندہ بنا کر بھیجا۔ مسیح خُداوند ہی تمام بنی نوع انسان کے لیے واحد نجات دہندہ ہے۔ (۱ یُوحنّا ۴:۱۴)
ابتدا میں کلام تھا اور کلام خُدا کے ساتھ تھا اور کلام خُدا تھا۔ کلام مجسم ہوا اور ہمارے درمیان خیمہ زن ہوا۔ یسوع مسیح خُدا کا زندہ کلام ہے۔ (یُوحنّا ۱:۱-۱۴)
مکاشفہ کی کتاب میں خُداوند یسوع مسیح کو یہوداہ کے قبیلے کا شیر کہا گیا ہے۔ اُس نے فتح پائی ہے اور مُہربند کتاب کھولنے کا اختیار صرف اُسی کو ہے۔ (مکاشفہ ۵:۵)
خُداوند یسوع مسیح نے فرمایا: "جی اُٹھنا اور زندگی مَیں ہوں۔ جو مجھ پر ایمان لائے اگرچہ وہ مر جائے تو بھی زندہ رہے گا۔" مسیح میں موت پر فتح اور ابدی زندگی کا وعدہ ہے۔ (یُوحنّا ۱۱:۲۵)
خُداوند یسوع مسیح شہنشاہوں کا شہنشاہ اور خُداوندوں کا خُداوند ہے۔ اُس کے لباس اور ران پر یہ نام لکھا ہے۔ وہ ابد تک سلطنت کرے گا۔ (مکاشفہ ۱۹:۱۶)